ئەمڕۆ سێشەممە ٢٤ی شوباتی ٢٠٢٦، د. ئومێد سەباح، سەرۆکی دیوانی ئەنجومەنی وەزیران، پێشوازی لە ئەیمەن موئەیەد، ئەمینداری گشتیی ئەنجومەنی باڵای لاوان و وەرزشی شانشینی وڵاتی بەحرەین و شاندی یاوەری کرد.
لە دیدارەکەدا هەردوولا هاوڕا بوون لەسەر جەختکردنەوە لە هەماهەنگی نێوانیان، هەروەها بیروڕا لەبارەی سوودوەرگرتن لە تواناکانی لاوان و جێپەنجەی کار و گرنگیدان بە بیرۆکەی لاوان و پێشخستنی کەرتی وەرزش و کردنەوەی ناوەندی زیاتر بۆ پێگەیاندنی لاوان و وەرزش ئاڵوگۆڕ کران.